TV2 – God Morgen Norge

Oslo:

Hei!
I morgon tidleg er eg gjest hos God Morgen Norge på TV2. Saman med lege Michael de Vibe vil eg snakke om stressmestring og mindfulness. Live on air ca kl 0740.

Ellers er eg no tilbake i full jobb etter ein herleg sommar – og ikkje minst etter ein fin og lang mammapermisjon. Eg har holdt ein del kurs langs med, mest for bedrifter og skular. Sist fredag for ei gruppe på ca 120 personar. Kjekt!
Ta gjerne kontakt om du er interessert i kurs, enten du er privatperson eller interessert på vegne av din arbeidsplass. Klikk her for å lese kva tidlegare deltakarar seier om kursa. Meir informasjon om innhaldet finn du her.

Du når meg også på hanne@stressmestre.no/ tlf 90124095/ instagram: hannesuorza

Ps: Har du sjekka ut appen Mestre? Den kan du også høyre meir om i morgon tidleg på TV2!

 

 

VG

Intervju på vg.no – om mindfulness for småbarnsforeldre:

Heile saka kan du lese her. (Du må ha +abonnement eller vere medlem av VG-familieklubben for å lese alt.)

Professor i psykologi, Per Einar Binder, seier mellom anna at “Å være oppmerksomt til stede er viktig både i småbarnsforeldrelivets kaotiske og koselige øyeblikk”

Eg deler tips og erfaringar som mamma, app-skapar og kurshaldar. Her er eit lite utdrag:

Starter med pusten
Hanne Suorza er mindfulness-coach og mor til Johan (9 måneder). Hun starter hver dag med en pustemeditasjon. Fokus på pust står i det hele tatt sentralt i mindfulness.

– Jeg er oppmerksom på pusten veldig mange ganger i løpet av dagen. Et øyeblikk her og et øyeblikk der. Mens jeg leker, mens jeg går på trilletur. Slik lager jeg meg små pauser. Ute i naturen øver jeg på å lytte og se landskapet rundt meg. Bruker sansene mine. Enkelt, men ikke alltid lett. Mindfulness har for meg blitt en måte å leve og tenke på, sier Suorza.

Men når hverdagen er hektisk er det mange som ikke vet hvordan de skal få tid til mindfulness. Først og fremst må man bestemme seg, sier hun. Og så må man sette av tid til mindfulness-trening.

– Hva er tidstyvene dine? Kanskje kan du droppe en time på Instagram eller foran TVen etter at barna har lagt seg? Kanskje kan du stå opp 10 minutter før? Etter hvert har du laget en god vane. Da vil du også utføre hverdagslige oppgaver med større oppmerksomhet og tilstedeværelse, sier Hanne Suorza, som har vært med på å lage appen MESTRE med pustemeditasjoner og øvelser om tema som søvn, bekymring og konsentrasjon.

Klikk her for å lese meir.

Mamma med mindfulness

For ni månader sidan blei eg mamma for første gang. Etter å ha meditert og halde mindfulnesskurs i fleire år, har denne opplevinga gitt meg mange nye aha-opplevingar. Eg lærer mykje av lille Johan.

Det å bli mamma er ei stor livsendring. Over natta skal du ta vare på ein baby 24/7, tilpasse deg familieliv og mindre søvn, mindre fritid. Eg har fått mange spørsmål frå andre mødrer: – No finn du vel ikkje tid til meditasjon, seier dei. Men alle augeblikk er egna til mindfulness. Alle augeblikk kan få meir merksemd. Du må berre vite korleis du kjem i gang. Og ikkje minst: Bestemme deg for å gjere det!

Å gå gravid og bli mamma er ei unik tid til å begynne å praktisere mindfulness. Mindfulness handlar om å vere til stades her og no – gjennom kropp, pust og sansar. Det å bli mamma; å sjå korleis Johan som nyfødt brukte sansane sine har vore ei spesiell aha-oppleving for meg. Frå første augeblikk då han snusa og smakte på puppen, var sansane i bruk. Det var som han rulla ansiktet sitt i mjølk. På tur i skogen ligg han i vogna med store auge. Han opplever snø og frost, sol og sludd for første gang, utan å dømme det som fint eller stygt, bra eller dårleg. No vil han gjerne ta på alt. Først stryke, så skrape, så klype. Med den største nysgjerrigheit og begeistring smakar, luktar og lyttar han. I dag oppdaga han sola som kasta skuggar på kjøkkenveggen. Vi smilte begge to.

Sansane er lett tilgjengelege for oss alle. Dei er til og med medfødt. Etterkvart blir vi ”gode” tenkarar. Men kva skjer eigentleg med sansane på vegen? Dei som gjer at vi kan vere her og no, og ikkje så opptatt med bekymring og grubling?

Som mindfulness-coach har eg no fletta inn nye erfaringar i kursa eg held, og opplever at mindfulness fangar interessa hos mange foreldre. Eg oppfordrar dei til å vere oppmerksame på lydbildet. Kjenne pusten. Leve meir sanseleg.

Her er nokre av mine mindfulness-erfaringar og tips:

  • Observer barnet. Sjå på bein, armar, ansikt, hud og hår. Lukt, sjå og stryk.
  • Start alltid dagen med å kjenne pusten din. Sjølv med ein aktiv krabat ved sidan av deg finn du tid til det, om du vil. Å kjenne pusten set av tonen for resten av dagen, og blir snart ein fin vane.
  • Ver til stades når du ammar. Legg vekk telefonen, TV, instagram og snapchat. (Sjølvsagt? Nei, eg har sett mange med ein fascinerande amme-teknikk der telefonen og blikket er plassert i eine handa…!)
  • Gå tur. Kjenn beina dine, legg merke til omgjevnadane… og den lille i vogna.
  • Registrer dine eigne kjensler. At du kan vere både frustrert, glad og utolmodig. Pust. Aksepter. Ha ei venleg haldning ovanfor deg sjølv og den lille.

Eg opplever at dette gir ro. At det er nyttig. Og at det er enkelt, men ikkje alltid lett.

Hjelp på vegen finn du i appen Mestre. Den har eg utvikla i samarbeid med psykiater Bjarte Stubhaug. Mestre inneheld pustemeditasjonar på 5- 30 minutt, samt mange gode øvingar om tema som balanse, jobbstress, bekymring, forventningar, angst og søvn. Du får også nyttige foredrag, film og lyd. Mestre er meir som ei bok i appform. Den er fin og nyttig for deg som ønsker å lære og praktisere mindfulness, med eller utan barn. Sjå meir på stressmestre.no.

Lykke til!

NY APP: MESTRE

I samarbeid med dr. med. Bjarte Stubhaug har eg utvikla ein ny app om stressmestring og mindfulness:

Du kan sjå utdrag og lese meir på stressmestre.no!

MESTRE inneheld lærerike foredrag, nyttige øvingar, intervju og inspirasjon, slik at du kan jobbe med utfordringar på din eigen måte. Når og der du vil. Det vil kunne gi deg ny kunnskap om kropp og sinn, meir ro og konsentrasjon, samt styrke evna til å handtere stressande ubehag, uro, smerter eller tankar.

Eg er sjølvsagt veldig glad for dette, og håper at appen blir nyttig for deg!

MESTRE finn du også på Facebook
Del gjerne!

BABY…


Hei! Eg har mammapermisjon og er tilbake på nyåret i 2018.

 

Alt godt,
Hanne

Workshop: mindfulness + fotografi


I samarbeid med lege og fotograf Torkil Færø, ønsker eg velkommen til workshop i mindfulness og fotografi på Berlihuset i Sykkylven 16. – 18. september 2016. 

Torkil Færø har 17 års erfaring som lege og har halde over 30 fotokurs i ni land, der skaparglede og livsmestring står i fokus. Denne helga har du ein flott sjanse til å lære mindfulness, og samtidig bli ein betre fotograf!

Du vil lære positive og konkrete mestringsverktøy som også kan gi deg eit rikare liv. Teknikkane som vi bruker for å ta gode bilder lar seg ofte overføre til dagleglivets utfordringar.

berli1

Fotografering fremmar mange positive kvalitetar. Nokre eksempel på dette er leik, tilstedeværelse, handlekraft, kreativitet og takknemlighet. Desse dagane skal vi bruke kameraet til å fokusere på dei nære, landlege omgivnadane – og erfare korleis fotografering og mindfulness kan bidra til å komponere livet ditt bedre.

Mindfulness, også kalt oppmerksomt nærvær, er ein anerkjend metode som reduserer stress og aukar evna til å vere oppmerksamt tilstades i eige liv. Det gir klarheit, auka sjølvinnsikt og emosjonell intelligens.

The moment in between what you once were, and who you are now becoming, is where the dance of life really takes place – Barbara de Angelis

“Eg har ikkje vore på workshop før. Kan dette vere noko for meg, da?” tenker du kanskje. Dersom du kan svare ja på fleire av desse spørsmåla, er dette ein workshop for deg:

  • Føler du at du vil ha meir ut av livet?
  • Ønsker du å redusere bekymringar og negative tankar?
  • Treng du meir mot til å følge drømmane dine?
  • Vil du bli flinkare til å gripe fatt i moglegheiter?
  • Har du eit kamera du vil bli kjent med?

Bli med og få mot til å utforske kreativiteten du har i deg! Du treng ingen forkunnskapar om fotografering eller mindfulness for å ha glede av denne workshopen. Kom som du er med det utstyret du har.

DEN PRAKTISKE GJENNOMFØRINGA AV FOTODELEN

Den første kvelden går vi i fellesskap gjennom bilda du har teke med: 15 bilder printa i A4 størrelse. Dette er viktig fordi det seier noko om kven du er og kva du finn interessant å rette blikket mot. Gjennomgangen er svært nyttig for Torkil når han skal veilede deg vidare under workshopen, og det er også ein fin måte å bli kjent med kvarandre på.

Ta med bilder som representerar ditt fotografiske nivå og som du ønsker tilbakemelding på. Og til deg som får frysningar berre av tanken på å vise bilda dine til andre kan ta det heilt med ro – dette er ingen konkurranse. Vi held ei uformell og trygg atmosfære der målet er at kvar og ein skal reise heim med ny og matnyttig lærdom. Vi går gjennom bilda du har teke den aktuelle dagen. Vår erfaring er at det er svært nyttig å følge kvarandre sine prosessar. Vi lærer av kvarandre.

DEN PRAKTISKE GJENNOMFØRINGA AV MINDFULNESSDELEN

Den første dagen går vi gjennom teorien bak mindfulness – oppmerksomt nærvær. Kvar dag vil vi gjere praktiske øvingar for å oppdage og erfare kva som skjer i oss til ei kvar tid. Tema vil mellom anna vere: Å sjå – persepsjon, tankar, kropp og følelsar. Pust og sanseopplevingar. Dei praktiske øvingane vil vere ulike guida meditasjonar, kroppskanning og øvingar du tar med deg ut i felten.

OM WORKSHOPHALDARANE

Torkil Færø (f.1969) har jobba som allmennlege i 17 år som fastlege, legevaktslege og i barne- og ungdompsykiatrien. Han har halde over 30 fotokurs i ni land og er opptatt av å bruke kameraet som instrument for å vere nysgjerrig og meir tilstades. Han er spesielt fokusert på at du skal finne din unike veg ved å identifisere styrkar du kan bygge vidare på. Les meir på kairosworkshops.no

Hanne Suorza (f. 1979) er mindfulness instruktør, skribent og kommunikasjonsrådgjevar. Dei siste åra har ho arbeida med å formidle mindfulness gjennom tekst og foto, foredrag og kurs – både i Sykkylven der ho bur og ellers i landet. Ho deler si personlege historie, kunnskap og gode tips om korleis mindfulness kan gi deg bedre helse, konsentrasjon og glede. Les meir på hannesuorza.no

BERLIHUSET I SYKKYLVEN

Vi held til i tredje etasje i ærverdige Berlihuset i sentrum av Sykkylven. Her skal vi ha foredrag, bildegjennomgangar, fine meditasjonar og gode måltid. Du kan sitte her og arbeide på laptopen om du vil. Huset har også ein eigen hage, som ligg vakkert til ved fjell og fjord.

To me, photography is an art of observation. It’s about finding something interesting in an ordinary place… I’ve found it has little to do with the things you see and everything to do with the way you see them. – Elliott Erwitt, fotograf


DAGSPLAN (med forbehold om endringer):

Fredag:
Oppmøte kl 17
Foredrag ved Torkil og Hanne

Gjennomgang av medbrakte bilde

Laurdag:
Morgonfotografering

12: Foredrag om fotografi og mestringsteknikkar ved Torkil
13: Gjennomgang av dagens foto
15: Måltid
16: Mindfulness/Oppmerksomt nærvær ved Hanne

Vi avsluttar kl 19

Søndag:
Morgonfotografering

12: Foredrag om fotografi og mestringsteknikkar ved Torkil
13: Gjennomgang av dagens foto
15: Måltid
16: Mindfulness/oppmerksomt nærvær ved Hanne

Vi avsluttar kl 19

*Kva slags utstyr treng du?
Du treng ikkje avansert kamerautstyr. Ta med kamera sjølv om du berre har ein iPhone. Det viktigaste er innhaldet i bilda, ikkje teknikken. Om du vil kan du sjølvsagt ta med ein laptop for å jobbe meir med bilda dine. Ta også med ein minnepinne slik at du får overført bilda til Torkil si maskin.

*Kva slags klede skal du ta med?
Vanlege klede, men ta med støvlar eller vanntette sko som tåler å bli skitne. Det kan vere greit med eit skjerf og ei ulltrøye. Vindtett jakke, varme sokkar eller innesko er også lurt.

When words become unclear, I shall focus with photographs. When images become inadequate, I shall be content with silence. – Ansel Adams, fotograf

PRIS: 2990,-
Inkludert i prisen er foredrag, undervisning, bildegjennomgangar, personleg oppfølging og måltid laurdag og søndag. Kaffe og te er også inkludert, men ta gjerne med ei matpakke som mellommåltid.

NB: Kun 10 plassar.

PÅMELDING
Meld deg på ved å sende ein epost til hannesuorza@gmail.com
Oppgi ditt fulle navn, adresse og telefonnummer.
Bindande påmelding.

Velkommen til ein workshop der vi med kamera som verktøy skal øve på å vere tilstades og gripe øyeblikket!

Helsing Torkil Færø og Hanne Suorza

berli